Bansigom Donja keu Aceh

Beudoh Bangsa Lon (II)

Beudoh Bangsa Lon (II)
Rate this post
Aiyub Ilyas adalah mahasiswa master kesehatan jiwa, pada HUC University di Norwegia [Foto/Dok/Waa/]

WAA NEWS – Jumat 01/01/2010
*CAE*
Peunuléh: Aiyub Ilyas
BEUDOH BANGSA LON
Bagian II

Bak bagian phon rakan meutuah
Kalheuh lon peugah padum krak haba
Jinoe ta sambon ngen izin Allah
Tuma ta bahas bagian dua

Bak bagian nyoe ulon neuk peugah
Rakyat that susah mita beulanja
Di kamoe gasien ka apoh apah
Deuk dengen grah tan le so kira
Aiyub Ilyas Adalah Aktivis World Achehnese Association, Mahasiswa Master Kesehatan Jiwa HUC Norwegia

Raseuki payah leupah meuceukik
Han tatuho sik ta ilah daya
Rakyat umpama boh limeng leumik
Dum ho dilingiek sabe lambala

Meunan lom bagoe dum korban konflik
Tan na meusiliek bantuan teuka
Hudep di kamoe lage glang capiek
Meu lingiek-lingiek wate uro kha

Korban tsunami ladom ka rangoe
Sampoe uroenyo rumoh goh lom na
Menteng bak barak meulikak pinggang
Hana geu tujan bantuan teuka

Ladom peujabat jinoe hai rakan
Hudep that senang geulimang harta
Ka geuek moto meutuka-take
Tan le geupike keu nasib bangsa

Ngen peng meulimpah yang troek u Aceh
Bek gadoh peuceh aneuk kukura
Neu pike program peu makmu Aceh
Bek jeut keu bijeh khianat bangsa

Jujoe ngen ade sabe peutimang
Karna deungen nyan tanyoe mulia
Bak but korupsi peujioh rakan
Karena but nyan tanyo binasa

Syukur keu Allah dame peu timang
Lage ka geufam di Fillandia
Antara RI dengan pihak GAM
Lam wate damai tapeuget bangsa

Tgk. Irwandi yang kamoe pileh
Beu saboh gareh ngen Muhammad Nazar
Neu duk ngen neu deng beusaban pakat
Pike keu rakyat Aceh mulia

Mulia wareh ranup lam puan
Mulia rakan mameh suara
Mulia Aceh martabat tinggi
Mudah raseuki rakyat sejahtra.

Beudoh bangsa lon Aceh meutuah
Seureumpak langkah ban sigom donya
Tajak seumike keu nasib naggroe
Untuk tapuwo maruah bangsa

Oh noe keuh menteng bak masalah nyoe
Ta sabong dudoe laen peukara
Meuah lon lake keu kawom nanggroe
Menyo na asoe menyinggong gata

Salam ’alaikum kata peunutop
Pujoe seulaweut beule tabaca
Do’a bak Allah ban seun-seun uroe
Aceh lhe sagoe beu ek mulia.

Aiyub Ilyas Adalah aktivis World Achehnese Association, Mahasiswa Master Kesehatan Jiwa HUC Norwegia

Beudoh Bangsa Lon (II)
Rate this post
0

Comments to Beudoh Bangsa Lon (II)

Loading Facebook Comments ...
  • Assalmualaikum aduen meutuah,jaroe duablah ateuh jeumala.
    Saleum sijahtra lon kirem bagah.
    Keu aduen mutuah di nanggroe lua.
    Oh lheuh lon baca panton yang indah.
    Suum sang darah hate that suka.
    Pantôn meu baet makna get that glah.
    Cukop teuarah nemeukarya.
    Seulamat neumeununtut aduen mutuah.
    Semoga beuna faedah ilméé neumita.
    Bejeut keumanfaat keu bangsa Aceh.
    Beujeut keuibadah dalam agama..

    Saleum meuturi dari aneuk nanggroe.

    Hanabuet 2. January 2010 05.48 Reply
  • nyan keuh rakan jinoe tarasa
    hudep teuh susah, hana soew bila

    yang ganto mato lage geublo pisang
    yang udep gasien hana tatujan pirang
    wassalamu’alaikum warahmatullahi wabarakatu

    yusrizal 6. January 2010 11.45 Reply
  • salam kanda…

    hamdan 11. January 2010 16.39 Reply
  • saleum lon sireh ateuh jeumalang
    moga rakan sehat sejahtra
    meunyo shit mandum lagee saudara terang
    sunngoh rakyat aceh hudep bahagia
    kiban keuh jino pemimpin mafia ta ganyang
    tapileh pemimpin yg jujur na agama
    trep that ka meupalo bangsa aceh
    susah gon seudeh sabe lam duka
    jinolah kana chit kesempatan
    bek keuh meu ulang lagee ata yg kaka.

    saleum sejahta keurakan2 sinan.seumoga bagah beujaya,,,,

    idham 31. January 2010 05.53 Reply
  • neu usha whe sydra lon , Nanggroe tanyoe beu mrdeka mutlak, spy jeut tapeudong hkom Allah..bek meujampu le ngen berhala Pancasila..

    Teuku muhd.ikhsan 4. February 2010 09.15 Reply
  • assalamu’alaikum warahmatullahi wabarahkatuh,

    saleum wahe cedara…
    bah saket ngon susah…
    menyo besareee..bamandom ka glah…
    be leh lalhee..wahe rakan…yang na ilmee…
    silahkan dileee..

    teuku saifullah mbo 10. February 2010 06.51 Reply
  • ” takoeh cuecut ta pageu lampoih,takoih ceumeucoet ta pagee kuta,meunyoe euh tingkat awak droeneh pantoen neu labouh,lon mat bak janggot loen hila u lua.”

    sabri ichsan 22. February 2010 06.22 Reply
  • Ujeun di Aceh memang ka Pirang
    Nanggroe dilee prang jino ka Reuda
    Ureung di Aceh Sabee Lam mumang
    Nanggroe ka aman kereuja hana

    Cut Muni 12. April 2010 03.49 Reply
  • betoe kanda.

    ebaruddin 12. May 2010 03.36 Reply

Leave a Comment

Your email address will not be published. Required fields are marked *

Loading...