Bansigom Donja keu Aceh

Cae Keu Aneuk Bangsa

Cae Keu Aneuk Bangsa
Rate this post
Adi Alamsyah (Baju merah sebelah kiri) pada sebuah aksi kumpul tanda tangan warga Denish di Kota Aalborg, bagi mendukung kempen pendidikan untuk Aceh oleh WAA pada Sabtu 02/05/2009 [Foto Zulkifli/Waa].

WAA News – Sabtu 31/10/2009

 * Cae *

Teunuléh:

Adi Alamsyah

Cae Keu Aneuk Bangsa

Assalamualaikum warah matullah 
Saleum lôn peugah tanda mulia     
Ta éh beuteungeut taduék beu teunang       
Bék sampoë mumang  sidéh di  Banda
 

Atjeh njang raja cukôp na indah     
Gunong njang meugah di barat sumatera     
Pijoëh hai teungku ngôt kamoë peutrang     
Peu njang hana teupham teuntang WAA
 

Ôeh lheuh Tsunami Atjeh ka makmu      
Adun ngon teungku kale beulandja    
Di ureuëng bulek teuka u Atjeh    
Ka geupeudjadéh djak kôh sendjata
 

Irwandi yusuf Gubernur Atjeh     
Kalheuh geupiléh lé rakjat djeulata     
Cukôp na sajang rakjat lamgampông      
Dum na le bantuan hana meureumpôk rasa
 

Peumeurintah Atjeh bék lé naragu      
Njang kamoë peulaku tjit untuk bangsa  
Haba ngon ide njang kaleuh kamoë duék  
Njang kadjeut keubuët neu pakék beusigra
 

Peumeurintah Atjeh bék lé njang laloë
Neubentuk laju hukom njang njata
Kamoë di luwa djeut meubantu
Kirém surat laju bak Uni eropa
 

Ôeh beungoh tadjak ulaôt
Tawoë seupôt kana beulandja
Péng dalam kéh ka geubalôt-balôt
Hana sép pih meu sikiloë saka
 

Kiban tjara hudép ureuëng Atjeh
Menjoë  hana toëm leubeh batjut buelandja
Reumöh ubé ôek pintoë  beraja
Ôeh angën di pôt siedjuk teurasa
 

Kamoê rakjat hana pat meupeugah
Meunjoë kôn bak peumeurintah njang berkuasa
Seudeh that udép aneuk muda njang desa
Ôeh ka teunguët malam pajah mita djamboë djaga
 

 Gasin barokôn djinoë ka kaja
Léeh pat geutjôk njan dum harta
Aneuk muda di gampông gôt that na lutjuë
Na péng sigeutu bloë honda supra
 

Ureuëng di gampông ka geutjôk parang
Ka geudjak tjeu meutjang dalam gle raja
Lheuh geutjah sihetar cukôp na seunang
Kana bantuan na nam blah juta
 

Han ék neuduk digampông neudjak u Banda
Njang peunténg beuna tjit beulandja
Aneuk mit di gampông le njang ka meubalôt
Hana pre uroë ka dji tôet  gandja
 

Thôn dua ribe lhée ka dji umum prang
Kabéh di tjang-tjang rakjat biasa
RI deungon GAM ka dji meudamé
Thón dua ribe limong di Finlandia
 

 Wahé ureuëng Atjeh bansigom donja,
Neu peusapat droë deungon WAA
Lôn lake meu’ah pat njang na salah
Njoë cae  lôn peugah keu gura-gura

[Adi Alamsyah adalah Aktivis WAA berdomisili di Denmark].

Cae Keu Aneuk Bangsa
Rate this post
0

Comments to Cae Keu Aneuk Bangsa

Loading Facebook Comments ...
  • Kabereh that nyan Adi Hamboe laju lom ehheheeheh

    Aneuk nanggroe 31. October 2009 10.02 Reply
  • JUT KEUH LAGOE KAMEU CAE ADI …
    PEUSYIT HAN KATEM BOROKON HAHAHHAHHA

    nyoe loen 31. October 2009 10.05 Reply
  • Aww,

    lanjut terus……

    teuku saifullah mbo 10. February 2010 07.42 Reply
  • hudeup ka mangat di lua nanggroe,,
    tanle ta pako di dalam bangsa,,
    hukom di aceh ka di pena pena,,
    kuta ngon gampong ureung lam maksit,,

    cukop indah peulabuhan ule lhe,,
    oh watee seupot ureung jak kunjung,,
    cukop that paleh ureung jak kunjung,,
    seupot geu jak malam geuwoe,,

    krue seumangat,,
    bangsa aceh,,,,,,,,,,,,,,,

    khalil 14. July 2010 06.38 Reply

Leave a Comment

Your email address will not be published. Required fields are marked *

Loading...