Bansigom Donja keu Aceh

Caé: Pusaka Endatu

Caé: Pusaka Endatu
Rate this post
Aiyub Ilyas adalah aktivis World Achehnese Association, Mahasiwa Master Kesehatan Jiwa HUC of Norwegia [Foto/Dok/Waa].

WAA NEWS – Minggu 23/05/2010

*CAE*

Peunuléh: Aiyub Ilyas

Pusaka Endatu

Nanggroe Aceh nyo
Nanggroe yang ceudah
Nanggroe keuneubah
Iskandar Muda

Nanggroe yang kaya
Hase melimpah
Seramoe meukah
Taneh mulia

Tajaga beuget Tgk meutuwah
Tanoh keuneubah para aulia
Meubek tasurot meusaboh langkah
Peutheun meutuwah Nanggroe pusaka

Beusaboh hate Tgk meutuwah
Beusigap langkah bandum syedara
Tapapah beuget Nanggroe meutuwah
Bek le jeut diprah le gob di luwa

Bek le meupake seusaboh darah
Yang cok beureukah meusoh diluwa
Silaturrahmi pangkai meutuwah
Bandum masalah jeut tabicara

Beudoh meujuang beusaboh langkah
Untuk tapapah Nanggroe mulia
Meunyo saboh kheun adun meutuwah
Ngen izin Allah Nanggroe seujahtra

Kasep takalen dalam sejarah
Aceh that gagah dalam prang raya
Bak wate dame Aceh ka kiroh
Gadoh let bungkoh harta ngen tahta

Kareuna peng griek tanyo meupake
Tanle ta pike peubibeuh bangsa
Hudeup ka mangat dalam meuligoe
Tanle ta pako marwah bangsa

Bukti seujarah jeut keu peuingat
Bek le teujeurat peurangkap sama
Bek gadoh pike keu asoe prut droe
Rakyat lam Nanggroe dum menderita

Beudeh hai rakan ban saboh Naggroe
Tanyo meusaho seuloroh donya
Beusaban pakat adun ngen adoe
Tapapah keudroe Nanggroe mulia

Bek le na karu didalam Nanggroe
Nibak masanyo tapeuget bangsa
Beurayek saba Tgk meutuwah
Ngen izin Allah Aceh bahgia

Do’a talake ka nibak Allah
Dengan bereukah para ambia
Aceh beumakmoe ade beusare
Puwoe keulanyie marwah bangsa

Aiyub Ilyas Adalah aktivis World Achehnese Association, Mahasiswa Master Kesehatan Jiwa HUC Norwegia

Caé: Pusaka Endatu
Rate this post
0

Comments to Caé: Pusaka Endatu

Loading Facebook Comments ...
  • bulee die beudoh lon baca panton,,
    teuingat nanggroe ka haro hara,,
    tawoe adun ta peugeut nanggroe,,
    seuramoe meukah ka meu gantoe nan..

    khalil 6. July 2010 08.52 Reply
  • lagi lagi gibagussssssss

    rsiqi NAZARO 12. April 2011 15.20 Reply

Leave a Comment

Your email address will not be published. Required fields are marked *

Loading...