Bansigom Donja keu Aceh

Mari Meusapat Lam Wadah WAA “Episode 01”

Rate this post
H. Zulkifli Abda 

WAA News – Senin 26/10/2009

   *Hikayat*
    Teunuléh:  

H. Zulkifli Abda  

    Episode 01

 

 

 

 

Mari Meusapat Lam Wadah WAA

Assalamu’alaikum saleuëm lôn ucap.
Do’a selamat bandum sjèdara.
Barat ngon timu dji-ôh dengon rab.
Di Atjèh mehat menantjit lua.

Walaupun tinggai hana mesapat.
Ide pendapat hantom mubida.
Natjit batjut kadang mekurap.
Sigitu silap njan kabiasa.

Demi untuk djroh keu- Atjèh rakyat.
Mari mesapat sajan WAA.
Ka gepeujud lè rakan- rakan.
Tengku Mukarram sibagoë ketuha.

Di Danmark pusat organasasi njan.
Na bandum tjabeuëng bansigom donja.
Norwegia tetangga yang krap.
Gebantu mehat patnjangna tjepa.

Peuë njangna penténg geuhubông sabé.
Hadji A. Qadir di Norwegia.
Keu- ureuëng tuha tjitka meu- angkèë.
Gob- njan metentèë di Scandinavia.

Qulhu Allah kufuan ahad.
Qudrah iradah samak ngen basar.
Sadjan WAA katamausapat.
Bedjeuët keu- ubat dan keupenawar.

Yang bulèë itam kon bandum bak djôk.
Yang mebulèë kudôk kon bandum singa.
Lôntjit tan tjarong haba lôn pakhôk.
Meu’ah berayek bèk nepehina.

Menjo han teu’uët bèk nekuluëm.
Menjo tjit seu- uëm nepruh ulua.
Neu- anggap mantong halua punjuëng
Untôk bahan khèm keu- gura- gura.

Akhé tja- énjoë meu’ah lôn lakèë.
Bandum metentèë nibak sjedara.
Seulamat pubuët bandum besaban.
Dijub naungan wadah WAA.

Njang galak batja neuprèhlom ukeë.
Bèk ragu- ragu wahé saudara.
Mungkén ukëlom tabalék buhu.
Awai maté u dudoë maté a.

Bersambung minggu depan….

H. Zulkifli Abda adalah Aktivis WAA berdomisili di Norwegia

Rate this post
0

Comments to Mari Meusapat Lam Wadah WAA “Episode 01”

Loading Facebook Comments ...
  • Kamoe di nanggroe menyambut baik ateah saboh kumpulan bansa aceh diluwa. Kamoe di gampoeng pih nebri bagian chit. Mangat sapee khen getanyoe bandum bansa aceh ban sigom donya. Deungen na wadah yg lagee nyoe rupa nyatjeat meusatu ureang2 aceh yg ka meucebre. Loen nakeh sidroe kelakeran pidie. Nan: Jufridar Abdul Ghani, Lahe: pidie 27 desember 1963. Penddkn: SMA. Buet: metani keuboen di Aceh Teungeh. Mengamati selalu perkembangan terkini di aceh. Alamat email: Payamound_7@hotmail.com.

    Jufridar Abdul Ghani 29. October 2009 09.13 Reply
  • Hana tasangka lagee njoe, tapike sang peugah2 mentoeng, padahai ka bansigom donja, termasok loeng yg teulat teupue bagian njan kolot hehe. Meunurot pribadi long sidroe leumpah seunang dgn na saboh2 organisasi yg lage njo, ja itu WAA yg tudjuan djih membantu rakjat/pemerintahan atjeh di ateuh UUD MOU yg kalheuh teupeudjak supaja bek leuh keu tjae si Paigloiblok.

    Nakatury Iljas 31. October 2009 13.25 Reply

Leave a Comment

Your email address will not be published. Required fields are marked *

Loading...