Bansigom Donja keu Aceh

Peuingat 9 Thôn Musibah Geumpa Dan Tsunami di Kota Hjørring

Peuingat 9 Thôn Musibah Geumpa Dan Tsunami di Kota Hjørring
Rate this post

Denmark – Haméh (26/12/13), Komunitah Aceh di Denmark geupeugôet atjara Baca Yasin, samadiayah dan doa nibak peuingat 9 thôn musibah geumpa dan Tsunami meubaé’e Aceh nibak uroë beuleun 26 December 2004 bak Mesjid Al-Salam, Fanøvej 2. 9800 kota Hjørring.

Baca Yasin, samdiayah dan doa untûk meuingat sikuréung thôn musibah geumpa dan tsunami meulai nibak djéum pôh 16:20, lheuh seumayang mugréb meujamaah. Peutuha masyarakat Aceh di Denmark (Tarmizi Busu) geujuë pimpin bak Tgk. Ansari M.Daud seubagoë peumanduë yasin, samadiyah beuseurta doa.

Lhéuh peunutôp dengôn doa, jamaah dan undangan geupeusila meukhanduri ala kada peu njang na mudah uléh panitia.

Waté kalheuh meukhanduri mandum dan jamaah pijôh duk-duk siat dalam Mesjid dang-dang geupréh djitamông waté seumayang Insya. Lhéuh seumayang Insya meujamaah atjara seunambông haba peuingat atawa tausiyah uléh Tgk. Imum Safwan teuntang seudjarah musibah tsunami Aceh 9 thôn njang ka. Dalam haba paneuëk tgk imum waté njan, geuharap bak jamaah mandum bahwa musibah njan beudjeut tatjôk sabôh hikmah ateuh ujian Allah.

Seugôhloëm atjara seuleusoë dan sama-sama meulaké idin na teunamah haba bacut dari peutuha masyarakat Aceh di Denmark atawa utjapan rasa teurimonggeunaséh njang rajöek keupada penitia Mesjid dan mandum jamaah njang ka sama-sama kalheuh takirem doa keu arwah syuhada tsunami Aceh.

OLeh, Nek hasan

Peuingat 9 Thôn Musibah Geumpa Dan Tsunami di Kota Hjørring
Rate this post
0

Loading Facebook Comments ...

Leave a Comment

Your email address will not be published. Required fields are marked *

Loading...