Bansigom Donja keu Aceh

Seumike Keu Rakjak Djeulata “Jilid 2”

Seumike Keu Rakjak Djeulata “Jilid 2”
Rate this post
Zulkifli Yahya pada acara silaturrahmi World acehnesse Association di Denmark 2009. [Foto Waa].

WAA News – Jumat 13/11/2009

HIKAYAT

Uleh: Zulkifli Yahya (Getjhik Don)

Seumike Keu Rakjak Djeulata
“Jilid 2”

PA ka meunang rakjat ka seunang
Beugot taharap bak geukeuridja
Kamoe di lua that brat meuharap
Seumiké beubrat keu rakjat djeulata

 

Sabe keudroë – droë bèk tapeukabèh
Tjit beu sapeuë pèh rakjat ngòn PA
Beugot rakan e tapimpin Atjèh
Bek sampoë teupèh rakjat djeulata
 

Meunjòë tan rakjat sapéuë han jadèh
Han ek tara èh hana meudaja
Ulama Atjèh bèk ta péuë èlèh
Ureëng teuleubèh  soë peungòn gata
 

Rakan meutuwah njang pimpin Atjèh
Beu tapeubèrèh rakjat djeulata
Meunan tjit mandum beukaih TNA
Beu sama rata bak geu usaha
 

Leubeh dan kureung deungon sjedara
Hana pue kira bèk tameudawa
Geutanjoe Atjèh njang saboh Bansa
Beu ta usaha untok meudjaja
 

Geutanjoe Atjèh tjik kameutjeuhu
Masa  endatu geuprang beulanda
Beudoh hai rakan bek meulaloë le
Bak taseumike beu meu dèwasa
 

Djinoe peumimpin ka na di Atjèh
Dumpuë ka leubèh dari biasa
Joh masa dilè leubèh lom susah
Hana tjit pajah bak ta keuridja
 

Pakon rakan lon Atjèh meutuah
Mantoëng dum susah bak geu usaha
Padahai djinoë dumpuë ka mudah
Lam pemerintah mandum TNA
 

Kamoë dilua kalheuëh meupeugah
Bak pemerintah ngon DPRA
Keu beukaih tentera dari TNA
Beu got neudjaga bèk na binasa
 

Ôhnoë keuëh dilèë batjut hikayat
Kon lon meu upat mjoe kisah njata
Meunjoe na salah lon lakèë meu àh
Teuman tatamah minggu ke tiga.

Zulkifli Yahya adalah Aktivis WAA berdomisili di Denmark

Seumike Keu Rakjak Djeulata “Jilid 2”
Rate this post
0

Comments

comments


Comments to Seumike Keu Rakjak Djeulata “Jilid 2”

Loading...

22. November 2017

Clear all