Bansigom Donja keu Aceh

Seumike Keu Rakjak Djeulata

Seumike Keu Rakjak Djeulata
Rate this post
Zulkifli Yahya pada acara silaturrahmi World acehnesse Association di Denmark 2009. [Foto Waa].

WAA News – Selasa 03/11/2009

HIKAYAT

Uleh: Zulkifli Yahya (Getjhik Don)

 

Seumike Keu Rakjak Djeulata

Assslamualaikum warahmatullah
Saleum ulon bie tanda mulia
Seumbah dan sudjut keupo teuh Allah
Jinôë lon peugah saboh tjeurita

Saboh seudjarah sidéh di Atjeh
Nanggroe teuleubeh di Asia Tenggara
Djinôë meuteuentë atjèh meutuah
Tjukop that meugah u Nanggroë lua

Sinoe di lua nanggroë Europe
Djinôë lom meugah deungon na WAA
Uroe ngon malam kamoe duk saban
Kamoe bòh pikiran keu sjëdara

Sjedara mandum njang na di Atjèh
Pike beulebeh keu rakjat djeulata
Pakiban tjara keu rakjat aceh
Mandum beuleubeh beuseujahtera

Kasep that meurana dum Rakjat atjeh
Bak geu preh-preh keu Atjeh Mulia
Le sjuhada njang kabeh sjahit
Tinggai aneuk miet ngon inoëng djanda

Wahe rakan lon atjèh meutuah
Tapike beubagah Keu atjeh mulia
Rakyat di atjeh bek le na njang susah
Tapike beubagah pakiban tjara

Kamôë di lua siap meubantu
Untuk peumadju rakyat djeulata
Meusoë na minat keuneuk djak sikula
Keunoe u luwa u nanggroe europa

Hubungi ladju kamôë Waa
Kamôë usaha keu mandum gata
Sinôë di Denmark kamoe meupakat
Ngon masjarakat ban sigom Donja

Pakiban Tjara Atjeh ngon Rakjat
Madju beuligat deungon segera
Kamoe Waa tjit kamepakat
Dubena rakjat tepeuseudjahtra

Djinôë taharap keu waki rakjat
Njang ban geu angkat uleh kuetuha
Keutuha Atjeh njan tjit ka meuhat
Kasapeu pakat ka deungon PA

PA kameunag rakjat ka seunang
Beugot taharap bak geukeuridja
Kamoe di lua that brat meuharap
Seumiké beubrat keu rakjat djeulata

Òhnò keuëh dilè kisah lon riwajat
Beudoh meusapat dalam WAA
Meupat na salah lon lake meuàh
Teman tatamah minggu keudua.

Zulkifli Yahya adalah Aktivis WAA berdomisili di Denmark

Seumike Keu Rakjak Djeulata
Rate this post
0

Comments to Seumike Keu Rakjak Djeulata

Loading Facebook Comments ...
  • keupeu sikula keudeh u luwa
    watee jiwoe ka meu ombong
    keupeu si kula beupanyang panyang
    tapi droe hana di turi

    khalil 9. July 2010 11.20 Reply

Leave a Comment

Your email address will not be published. Required fields are marked *

Loading...